Moris I Eksprim Son Sipor Pour Festival Kreol
Fri, 25 October 2013 | Culture
Prezidan James Michel in rankontre Vis Prezidan Moris, Madanm Monique Agnes Ohsan Bellepeau bomaten State House. Madanm Ohsan Bellepeau i parmi bann envite distenge ki vin Sesel pou swiv selebrasyon Festival Kreol 2013.
Msye Michel in byen akeir prezans Vis Prezidan Moris pour sa 28eme edisyon Festival Kreol ki pou ganny selebre depi le 25 ziska le 31 Oktob 2013. En levennman annyel ki regroup plizyer zil dan losean endyen ek lezot dan lemonn pour selebre la Kreolite dan kapital Victoria parmi bokou lezot aktivite k’in ganny organize.
Pandan sa rankont State House, Prezidan Michel e Vis Prezidan Ohsan Bellepeau in diskit lo sa enn edisyon Festival Kreol, posibilite pou annan plis lesanz ant Sesel e Moris dan domenn kiltir, devlopman lalang Kreol e Konsep Lekonomi Ble parmi lezot size.
Vis Prezidan Ohsan Bellepeau in eksprim son gratitid pour lakey salere k'in resevwar depi son arive Sesel e i swete ki Sesel e Moris I zwenn ansanm pour devlop Konsep Lekonomi Ble, ki Sesel pe met bokou lanfaz lo la, e posibilite pour sa de zil travay ansanm e redouble zot zefor pour plis partenarya.
NOT POUR EDITER:
• Osi prezan dan sa miting ti Minis pour Zafer Etranzer, Msye Jean-Paul Adam e Konseye Diplomatik dan Lofis Prezidan, Anbasader Callixte D'Offay.
• Madanm Ohsan Bellepeau ti vin Vis Prezidan Moris le 11 Novanm 2010.